Senatori amerikan, Ritchie Torres ka reaguar rreth zhvillimeve në veri dhe lëndimit të 25 pjesëtarëve të KFOR-it nga protestuesit e dhunshëm.
Torres ka thënë se SHBA-të duhet të qëndrojnë me Kosovën.
“25 paqeruajtës të NATO-s janë plagosur nga përfaqësuesit e qeverisë serbe.
Pse Sekretari Blinken po e dënon në mënyrë të njëanshme Kosovën, aleate të ngushtë të SHBA-së, ndërkohë që hesht për provokimet e Serbisë, aleate e ngushtë e Rusisë? SHBA duhet të qëndrojë me Kosovën”, ka shkruar Torres në reagimin e tij në Twitter.
Protestat e djeshme të serbëve të udhëhequra nga strukturat kriminale në veri përveç fyerjeve dhe vandalizmit të shfaqur ndaj automjeteve të policisë dhe mediave kosovare kulmuan me përleshje me trupat e KFOR-it, e ku mbetën të lënduar së paku 25 ushtarë dhe dhjetëra protestues.
