Kronikë nëper stuhi , Sabahajdin Cena
BETEJA NË DIGËN E RADONIQIT
“Krisën pushkët e u bo nami.
Zjarr e flakë vjen prej Cermjani.
– Zot, kët’ flakë kush e bani?
– Xhelal Hajda e Fadil Nimani.
Toni e Tigri, dy djem si zana,
Dita e 20 prillit, nuk ndryshoi shumë prej ditëve të 18 e të 19 prillit.
Ushtria Çlirimtare e Kosovës sulmohej pothuajse në të gjitha zonat operative, por sulmet më të vrazhda e më të përgjakshme u zhvilluan afër fshatit Cermjan, bri Sukës e te Diga e liqenit të Radoniqit, në Zonën Operative të Rrafshit të Dukagjinit, përreth fshatit Marec në Zonën Operative të Llapit me Gallak, luftimet në Zonën Operative të Shalës, ato të Zones Operative të Drenicës dhe luftimet në Bjeshkët e Rugovës gjate prillit 1999
Mirëpo pikërisht në këtë ditë, pra në 20 prillin e hershëm 1998 kur UÇK ende ishte e vogël në numer dhe ende në disa Zona Operative nuk kishte dale publikisht. Formacionet e Rrafshit të Dukagjinit, të komanduara prej Fadil Nimanit-Tigrit dhe Xhelal Hajdës -Tonit, sulmojnë formacionet ushtarake të ish-armatës jugosllave të pozicionuara nëpër Dushkajë e veçanërisht përreth liqenit të Radoniqit. Në këtë pozicion u zhvillua një luftë frontale ndërmjet dy ushtrive. Këto luftime zgjatën 4-5 ditë me radhë në mënyrë të pandërprerë prej dige e deri në Sukë të Cermjanit dhe shkëlqyen luftëtarët e Zonës Operative të Rrafshit të Dukagjinit veçanërisht formacionet e Dushkajës të drejtuara prej Xhelal Hajdës -Tonit dhe Fadil Nimanit-Tigrit, sot të dytë heronj të Kosovës e të shpallur gjeneralë-postmortum.
LAVDI HERONJVE
XHELAL HAJDA – TONI e
FADIL NIMANI – TIGRI!
LAVDI TË GJITHË DËSHMORËVE!
S.C
/Gazeta Papirus/
