Arrestohet sekretarja e përgjithshme e Ministrisë së Shëndetësisë.
Burime bëjnë me dije për Fax News se Joana Duro është arrestuar me urdhër të Prokurorisë së Posaçme.
Sekretarja e Përgjithshme e MSH, është arrestuar për korrupsion.
Duro nuk është e vetmja zyrtare. Burime bëjnë me dije se përveç saj në pranga ka përfunduar edhe një tjetër zyrtare e ministrisë së Shëndetësisë e cila dyshohet se ështe përfshirë në afera korrupsioni.
Burime zyrtare nga Spak bëjnë me dije se Duro, është arrestuar në kushtet e flagrancës, ndërkohë që operacioni është në vijim.
Lajmin e njoftoi kryeministri Edi Rama gjatë një takimi falenderues në Tiranë për zgjedhjet e 14 majit.
Pa përmendur emër, Rama tha se si mund të ndodhë që një sekretare e përgjithshme kapet në flagrancë duke marrë lekë.
“Një sekretare e përgjithshme kapet në flagrancë duke marrë lekë. Si mund të ndodhë kjo? Ana e pëlqyeshme e kësaj medalje është që kapet një person që është i padenjë për të qëndruar në një zyrë shteti. Uroj të ketë sa më shumë të tilla, por s’mund të uroj që sa më shumë të tillë njerëz të bëjnë gjëra të tilla,” tha Rama.
