Time Kadrijaj akuzoi qeverinë për djegien e IML-së, Albulena Haxhiu kërkon nga prokuroria të intervistoj deputeten

Ministrja e Drejtësisë, Albulena Haxhiu u akuzua nga deputetja e AAK-së, Time Kadrijaj se janë ata që kanë djegur Institutin e Mjekësisë Ligjore.

“Ke premtuar që keni me e zbardh rastin e Astrit Deharit, pse nuk e keni zbardhur, i keni zhduk dhe i keni vjedh mostrat, e keni djeg Institutin e Mjekësisë Ligjore”, u shpreh fillimisht Kadrijaj.

Megjithatë reagimi i ministres Haxhiu ishte i menjëhershëm, ajo kërkojë nga prokuroria që deputetja Kadrijaj të intervistohet menjëherë.

“Unë menjëherë i bëj thirrje prokurorisë që menjëherë dhe pa vonesa, ta thërras si dëshmitare, deputeten Time Kadrijaj, për të treguar se kush e paska djegur Institutin e Mjekësisë Ligjore. Sepse ekspertët e zjarrit po thonë që ka qenë defekt elektrik në pajisje, ndërsa deputetja e Kuvendit të Kosovës po thotë se e keni djegur ju. Prandaj mendoj se është tejet e rëndësishme për drejtësinë që deputetja të ftohet për intervistë”, tha Haxhiu.