Tifozët e Paris Saint-Germainit ia kanë kthyer përfundimisht shpinën Neymarit.
Ylli brazilian ka përfunduar në qendër të kritikave dhe të kontestimeve të tifozëve parisienë, të cilët nuk e duan dhe nuk e mbështesin më atë.
Ndërkohë, mediat franceze e shohin ish-futbollistin e Barcelonës më afër transferimit në Premierligë.
“Kanë nisur kontaktet me United”, shkruan mediumi i njohur “L’Equipe”, duke zbuluar se kontaktet mes PSG-së dhe Manchester Unitedit për ish-futbollistin e Santosit tashmë kanë nisur, përcjell “Gazeta Express”.
“Të bashkuar për ta mbërthyer Neymarin”, është titulli i një mediumi francez.
Nga kjo situatë po dëshiron të përfitojë gjiganti britanik, i cili synon ta transferojë përfaqësuesin brazilian në “Old Trafford”.
Në të kaluarën, interesim për Neymarin kishte shfaqur edhe Chelsea, ndërsa ishte folur edhe për një transferim të tij të mundshëm në Newcastle.
