Lojtarët e PSG-së mposhtën 5:0 Ajaccion dhe dolën një hap larg titullit, pasi kanë gjashtë pikë më shumë se Lens me tre xhiro para fundit dhe u mjafton të fitojnë një ndeshje në tre xhirot e fundit për të siguruar matematikisht titullin në Ligue 1.
Ky do të ishte titulli i 11-të i PSG-së në historinë e klubit, duke i bërë ata mbajtësit e rekordeve në Francë, pasi aktualisht janë të barabartë me Saint-Etienne dhe Marseille me nga 10 kupa të kampionatit kombëtar secila.
Ndeshja në “Parkun e Princave” shënoi rikthimin e Lionel Messit në fushë pas pezullimit të vendosur nga klubi.
Messi kërkoi falje publike që shkoi në Arabinë Saudite pa leje, por tifozët nuk ia falën, andaj ndaj tij tifozët protestuan duke fishkëlluar në disa raste kur ai kishte në pronësi topin.
Kështu, gjatë një rivënie këndi që duhej të ekzekutonte, ai mori fishkëllima të ashpra nga tribunat.
Messi nuk i kushtoi shumë vëmendje, por më pas bëri një mini-show duke zhongluar me topin teksa u nis drejt këndit.
Messi taking a corner pic.twitter.com/JgdgBvsYnv
— Messi Media (@LeoMessiMedia) May 13, 2023
