Sot kur përkujtojm Epopenë e UÇK-së, kujtojm edhe të madhin Ukshin Hoti , i cili qysh në vitin 1991 kërkoj haptas forminin e ushtrisës së Kosovës
“Duke qenë i vetëdijshëm për rrethanat politike në të cilat ndodhemi, ftoj të formojmë politikë të qartë, mbi atë se duhet që në mënyrë urgjente të formohen Forcat e Armatosura të Republikës së Kosovës dhe në gjirin e saj të veprojn të rinjt shqiptar ”, kishte thënë Ukshin Hoti më 7 korrik të vitit 1991 në Fortesë të Rahovecit, në varrimin e Hilmi Popaj i vrarë në ish armaten Jugosllave.
Nga shumë ish student që u frymezuan nga Ukshin Hoti, ishte edhe brezi ish presidentit Hashim Thaçi.
Po ju sjellim një postim të tij të bërë kohe me parë :
#NjerëztëPaharrueshëm ❤️
Që nga takimi im i parë si student me profesorin Ukshin Hoti, që nga leximi i rreshtave të parë të shkrimeve të tij, kam krijuar një përshtypje që jeton deri në ditët e sotme, deri tash kur e kujtoj me shumë respekt dhe krenari.
Profesori Ukshin Hoti i përket intelektualëve të profilit të lartë, një mendimtar i guximshëm që e parashtroi me kohë idenë se vetëm lufta e armatosur e sjell lirinë.
Profesori Ukshin Hoti, si askush më mirë se ai, u vu në mbrojtje teorike të kërkesës qendrore të vitit 1981 për Republikën e Kosovës. Me kategorinë filozofike të zhvillimit, ai e justifikoi gjerësisht faktin që autonomia e Kosovës ishte e pamjaftueshme për shqiptarët e Kosovës, publikisht para strukturave zyrtare jugosllave.
Profesori Hoti i përket brezit të intelektualëve të burgosur për shkak të bindjeve politike dhe qëndrimeve atdhetare, duke kaluar vite të tëra në burg, e veçanërisht duke përjetuar persekutime çnjerëzore pas burgosjes së dytë.
Me radhitjen atdhetare, me vijën politike që ndoqi, me edukimin perëndimor, me trashëgiminë intelektuale shkrimore, profesori Ukshin Hoti mbetet filozofi më politik i lirisë dhe pavarësisë së Kosovës. HTH
