Ish-lideri i UÇK-së dhe ish-presidenti, Hashim Thaçi, dje ka qëndruar vetëm disa orë në Kosovë për të vizituar nënën e tij të sëmurë, pas së cilës është kthyer në Hagë.
Vizita e Thaçit në Kosovë është miratuar nga trupi gjyqësor në Hagë.
Udhëheqësja e Njësisë së Informimit dhe Komunikimit Publik në kuadër të Dhomave të Specializuara të Kosovës, Angela Griep, ka konfirmuar se Thaçi mbrëmë është transferuar sërish në ambientet e paraburgimit në Hagë.
“Kolegji gjyqësor e miratoi kërkesën e Thaçit që për arsye humanitare të vizitojë Kosovën dhe të takohet me familjen. Zoti Thaçi është transferuar sërish në ambientet e paraburgimit të Dhomave të Specializuara në Hagë dje në mbrëmje”, tha Griep.
Gjyqi i ish-udhëheqësve të UÇK-së filloi më 3 prill me fjalët hyrëse të palëve, dhe Thaçi u deklarua i pafajshëm për akuzat për krime lufte dhe krime kundër njerëzimit para jurisë.
Thaçi ndodhet në paraburgim që nga nëntori i vitit 2020.
