Të dielën e 23 prillit, do të mbahen zgjedhjet e jashtëzakonshme në katër komunat veriore: Mitrovicë e Veritu, Leposaviq, Zubin Potok dhe Zveçan.
Ndërkohë, Komisioni Qendror i Zgjedhjeve është bërë tashmë gati për këto zgjedhje.
Në kuadër të përgatitjeve për organizimin e këtyre zgjedhjeve, dje KQZ-ja miratoi listen e qendrave të votimit për zgjedhjet e 23 prillit.
Sipas vendimit të KQZ-së, numri i përgjithshëm i qendrave të votimit në këto katër komuna është 19 me gjithsej 34 vendvotime, prej tyre 6 janë qendra votimi të rregullta me gjithsej 6 vendvotime, ndërsa 13 qendra të tjera votimi janë alternative me gjithsej 28 vendvotime.
Lista e qendrave të votimit është përgatitur në bashkëpunim dhe koordinim me organet e sigurisë.
Ndërkaq pak më herët, KQZ publikou edhe fletëvotimet për këto zgjedhje.
Në Mitrovicë të Veriut, Zveçan, Leposaviq dhe Zubin Potok do të mbahen zgjedhjet për kryetar komune.
Teksa në Zveçan dhe Leposaviq do të zgjedhen edhe kuvendet komunale.
