Policia e Shqipërisë e ka arrestuar një 36-vjeçari, rezident në Itali, pasi tentoi të nxirrte nga Shqipëria mbi 223 mijë euro të padeklaruara përmes portit të Durrësit.
Gjatë operacionit u arrestua i riu shqiptar me iniciale M. D., pasi në çantën e shpinës iu gjetën 223.200 euro të padeklaruara.
Ndërkohë shuma e parave është sekuestruar dhe 223 200 euro dyshohet se janë produkt i veprimtarive kriminale.
Njoftimi i policisë:
Port, Durrës/Finalizohet operacioni policor i koduar “Aseti”.
Sekuestrohen 223 200 euro të dyshuara produkt i veprimtarive kriminale.
Arrestohet 36-vjeçari, rezident në Itali, që tentoi t’i nxirrte paratë nga Shqipëria, pa i deklaruar në pkk.
Si rezultat i kontrolleve dhe verifikimeve të imtësishme në hyrje/dalje të Shqipërisë, me objektiva parandalimin dhe goditjen e krimeve ne kufi, shërbimet e Policisë Kufitare të portit të Durrësit, në bashkëpunim me autoritetet doganore, finalizuan operacionin “Aseti”.
Gjatë operacionit u arrestua në flagrancë shtetasi shqiptar, M. D., 36 vjeç, rezident në Itali, sepse iu gjetën në çantën e shpinës, 223 200 euro që tentonte t’i nxirrte nga Shqipëria, pa i deklaruar në pkk.
Materialet procedurale i kaluan Prokurorisë së Durrësit, ku vijojnë hetimet për të përcaktuar burimin e këtyre parave.
