Konfliktet mes vëllezërve në qytetet e ndryshme të vendit, shpesh herë përfundojnë me sharje e ofendime ndaj njëri-tjetrit. Ata madje me raste eskalojnë në kërcënime e përleshje fizike, duke u dashur kështu intervenimi i Policisë për të zgjidhur telashet.
Një rast i tillë ka ndodhur në fshatin Milloshevë të Obiliqit, ku një person dyshohet se ka kërcënuar vëllain e tij.
Burimet e Gazetës Sinjali kanë bërë me dije se 38-vjeçari ka kërkuar ndihmën e Policisë, ku ka deklaruar se ka pranuar mesazhe me përmbajtje kërcënuese nga vëllai i tij më i madh.
Si rezultat i denoncimit, 45-vjeçari është shoqëruar në stacion policor për intervistim.
Me urdhër të prokurorit, rasti është cilësuar ‘Dhunë në familje’ dhe i dyshuari është dërguar në mbajtje.
