Emisari i Bashkimit Europian (BE) për dialogun Kosovë-Serbi, Miroslav Lajcak, ka njoftuar për takimin që ka pasë në Beograd bashkë me emisarin amerikan Gabriel Escobar me presidentin serb Aleksandar Vucic, rreth situatës aktuale në veri të Kosovës, transmeton Gazeta Metro.
Lajcak në Twitter, tha se patën “një diskutim të gjatë”, derisa theksoi se vlerësojnë gatishmërinë e Aleksandar Vucicit për zgjidhje politike.
“Në Beograd, emisari amerikan Escobar dhe unë patëm një diskutim të gjatë me presidentin e Serbisë, Aleksandar Vuçiq rreth situatës komplekse të serbëve në Kosovë. Dhuna nuk është e pranueshme asnjëherë dhe duhet urgjentisht një zgjidhje politike për krizën aktuale. Ne vlerësuam gatishmërinë e tij për të kontribuar në këtë”.
Lajcak dhe Escobar ishin edhe në Prishtinë ku janë takuar me presidenten Osmani, kryeministrin Kurti, liderët opozitarë, si dhe përfaqësuesit e Listës Srpska
