Trajneri Driton Kuka ka njoftuar se bashkë me xhudisten Majlinda Kelmendi kanë vizituar ish-krerët e Ushtrisë Çlirimtare të Kosovës, që po mbahen në paraburgim në Hagë.
Përmes një postimi në Facebook, Kuka ka thënë se me secilin kanë pasur biseda për ngjarjet historike, si dhe për sfidat në sport.
Ka thënë se ai dhe Majlinda besojnë fuqishëm në pafajësinë e tyre.
“Të fortë, të qëndrueshëm, pozitiv dhe të motivuar për të dalur të pafajshëm, fillimisht ata, e më pas UÇK-ja dhe Republika e Kosovës, nga ky proces i padrejtë gjyqësor. Unë dhe Majlinda, njëjtë si qytetarët e Kosovës, besojmë fuqishëm në pafajësinë e tyre”, ka shkruar Kuka./GAZETAPAPIRUS/
