Profesori Blerim Latifi ka reaguar pas deklaratës së deputetes Duda Balje, e cila konfirmoi se i është ofruar pozita e profesoreshës në Shkup për një votë në parlament për VV-në, transmeton Gazeta Papirus.
Duda Balje e konfirmoi sot se i është përfolur pozita për të cilën kishte aplikuar por është refuzuar disa herë. Ajo tha se kjo ofertë i erdhi nga një person i afërt me VV-në.
Për këtë, Blerim Latifi ironizoi paksa me situatën, duke e krahasuar Kosovën me ëndrrën amerikane.
“Kurrgjë nuk është ëndrra amerikane, çka është ëndrra kosovare: me një votë bëhesh profesoreshë. Duda nuk është veç një rast. Është fenomen”, shkroi Latifi në Facebook.
