Fotografia e analistit politik, Nexhemdin Spahiu me ministrin e jashtëm serb, Marko Gjuriq në zyrën e këtij të fundit në Beograd, ka nxitur reagime të mëdha në vend.
Ish-Ushtari i Ushtrisë Çlirimtare të Kosovës, Ridvan Tahiri, ka kërkuar nga prokuroria që të intervistojë Nexhmedin Spahiun pas vizitës në Beograd.
“Z. Spahiu duhet ta dijë se është me fat që nuk jam unë në krye të organeve të sigurisë – përndryshe, do ta kishte pritur i njëjti fat në hyrje të Kosovës siç e pati miku i tij dikur,” ka shkruar në reagimin e tij Tahiri.
“Ai është një qytetar i zakonshëm, njësoj si ata që u arrestuan pak ditë më parë për takime dhe bashkëpunim me agjentë të BIA-s serbe”, ka shkruar Tahiri.
Ai ka kërkuar nga prokuroria e Kosovës që të intervistjë Spahiun rreth kësaj vizite në Beograd.
“Ajo që më habit më shumë është pse Spahiu nuk ndodhet para prokurorisë duke dhënë deklaratë për këtë vizitë dhe kontaktet e tij,” përfundon postimin Tahiri./GAZETA PAPIRUS/
