Analisti Petrit Zogaj, thotë se niveli i takimeve të kryeministrit Kurti në ShBA janë me ato të Drejtorit të MCC për Kosovë, Petrit Selimi dhe drejtorit të ICK-së në Kosovë, Uranik Begu.
Kjo pasi Kurti në SHBA që nga e premtja ka takuar kryeshefen e MCC-së, Albright dhe ka vizituar kompaninë LinkedIn në San Francisco të Kalifornisë raporton Gazeta Express.
“Aktualisht, niveli i vizites se KM Kurtit ne US eshte me ato qe Petrit Selimi do t’i bente ne MCC, e qe i ka bere me dhjetra here, ose Uranik Begu nga ICK-ja qe mund t’i bente ne Silicon Valley. Nderkohe qe dy te fundit jane drejtora ekzekutiv ne fondacionet ose komunitetet qe udhëheqin”, ka shkruar Zogaj.
Ai ka thënë se takimet e Kurtit si lider shteti do të duhej të ishin takime politike gjatë vizitës në Amerikë.
“Kurti eshte perfaqesuesi me i larte politik i Kosoves, e ku takimet politike do te duheshin me qene ne qender te cfaredo vizite te tij ne US. Me nje fjale, s’po e ben as politikanin, e as sipermarresin privat”, ka shkruar ai.
Kryeministri Kurti ndodhet në SHBA nga dita e premte, dhe deri më tani ka njoftuar për takime në MCC dhe në kompaninë teknologjike Linkedin në qytetin e San Franciscos.
Shefi i qeverisë kishte deklaruar se në ShBA do të qëndrojë 10 ditë apo dy javë, por deri më tani s’ka realizuar ndonjë takim në Shtëpinë e Bardhë, Departament të Shtetit apo Dhomën e Përfaqësuesve.
