Bursistët tanë “Shpresa Olimpike 2023”, taekwondistët Jon Gashi, Mal Sahiti dhe Elion Agushi, kanë fituar medalje në turneun botëror “Belgium Open 2023”, të organizuar nga Federata Botërore e Taekwondosë në Lommel të Belgjikës.
Gashi fitoi medaljen e artë në grupmoshën junior, kategoria -73 kg. Ai shënoi katër fitore, njofton Komiteti Olimpik i Kosovës.
Sahiti e Agushi fituan të bronztat për junior. Mali realizoi dy fitore dhe një tjetër pa luftë, në kategorinë -68 kg, ndërsa Agushi shënoi tri fitore dhe një tjetër pa luftë në kategorinë -63 kg.
Pjesëmarrës në turne ishte edhe bursisti ynë olimpik Paris 2024, Arnis Agushi, i cili u ndalë në raundin e parë, sikurse Arbnor Bajra, Arbër Bajra e Rona Gashi, në grupmoshën seniore.
