Gazetari Valon Syla ishte në transmetim direkt kur iu kumtua lajmi se janë arrestuar tre persona që janë të dyshuar për sulmin fizik ndaj tij.
Syla u shpreh falënderues ndaj ministrit të Punëve të Brendshme, Xhelal Sveçla, i cili njoftoi në Facebook për arrestimin e tre personave.
Mes tjerash, Syla pati komplimente për Policinë e Kosovës për punën dhe profesionalizimin e treguar.
“Faleminderit shumë. Unë e di që këto i ka krijuar Policia e Kosovë. Mua më kanë mbajtur gjithmonë të informuar, kam pasur takim me dy tri vijat e sigurisë kosovare, që kanë qenë shumë profesional dhe shumë shpejt kanë reaguar. Faleminderit prej tyre, faleminderit prej ministrit dhe që po e kryen punën e vetë. Po e tregon se nuk ka polici fetare, se unë e di”, tha ai në T7.
