Publicisti Valon Syla ka reaguar i mllefosur ndaj Qeverisë Kurti II, për shtrenjtimin e energjisë elektrike, duke i quajtur edhe gënjeshtarë këta të fundit, përcjell Gazeta Papirus.
Syla tha se Qeveria Kurti po i gënjen qytetarët për ngritje ekonomike, ndërsa realiteti është shumë larg asaj që ata deklarojnë.
Publicisti Syla thekson se Qeveria e Kosovës në mungesë të planeve dhe projekteve po sjell shtrenjtim të tarifave, siç është kjo e fundit për energjinë elektrike.
Ai madje u shpreh i mllefosur ndaj Lëvizjes Vetëvendosje, duke u thënë se ‘të gjitha gjërat presin, veç ju fillimisht ngihuni’.
Postimi i plotë i tij pa ndërhyrje:
“Pas përfundimit të autostradave, energjetika mbetet faktori i parë zhvillimor për ekonominë e Kosovës. Vetëm ndërtimi i kapaciteteve të reja deri në 500 MWh do ndikonte në rritje ekonomike prej 2.5% për vjet, aq sa përafërsisht i ka Kosova pas 2 vite pandemi dhe krizë ekonomike e shkaktuar nga Lufta Ukrainë – Rusi.
Sot ekspertët e pavarur dhe shoqëria civile e vlerëson se rritja ekonomike është diku 2.7% prej që ka ra nga një ngritje normale e Kosovës para këtyre faktorëve që ishte 4.8% deri në 5.2%, viteve 2012 deri me 2018.
Sot Qeveria Kurti rren që rritja ekonomike është 7% deri në 11%, por në fakt sështë as 3%.
Gati se 90% të rasteve Qeveritë e Kosovës kanë dështu në energjetikë. Tash e kemi rastin me zënë trenin e fundit për të prodhuar dicka e për të nisur ndonjë projekt… por sipas planifikimeve të Qeverisë Kurti, po shohim se ska as ide, as plan, përveç që i ka ndërpre të gjitha projektet energjetike si Kosova e Re, gazjellësi me BE dhe MCC, si dhe projekte të tjera energjetike duke i rritur çmimet e rrymes deri në 60%, dhe importin e energjisë të cilin duket se e kanë bërë pazar agjentët energjetik e diplomatik të Kurtit, sikur Martin Berisha.
Sa është Lufta në Ukrainë, Kosova ish dashtë të merret me energjetikën e vet dhe ta shfrytyzoj rastin.
Por para kësaj… Nginu VV.”/Gazeta Papirus/
