Kryetari i OVL-UÇK-së për degën e Pejës, Gazmend Syla, në një prononcim ekskluziv për Gazetën Papirus, ka treguar kërkesat dhe hapat që OVL e UÇK-së do i ndërmerr.
Syla thotë se kanë përkrahur këtë protestë e cila mbahet sot, ani pse sipas tij është një protestë spontane. Ai thotë se ditët në vazhdim do të organizohet një protestë edhe më e fuqishme dhe më e madhe, pas organizimit që kjo degë do të ketë.
“Është protestë spontane, e cila ka buruar aty për aty. Natyrisht që e përkrahim këtë protestë. Në ditët në vazhdim dë të organizojmë protestë tjetër, pas konsultimit dhe takimit nepër degët tona. Nuk do të ndalim me sot”, thotë Syla.
Ai ka treguar kërkesat që kanë në protestën e sotme. Sipas tij, ata kërkojnë që të ndalohe nga Presidentja e Kosovës, Vjosa Osmani dekretimi i ligjit për pagën minimale, ligj ky që nuk përfshinë veteranët e UÇK-së.
“Kërkojmë nga Presidentja Vjosa Osmani që të mos e dekretoj këtë ligj dhe ta kthej prapa, sepse këtu është diskriminuar dhe nuk janë përfshirë veteranët e UÇK-së”, shprehet Syla për Gazetën Papirus.
Poashtu Syla ka thënë se kërkojnë që urgjentisht kryeministri Albin Kurti ta shkarkoj nga pozita e shefes së GP-së të VV-së, Mimoza Kusarin, pas aferës “Zdravo”.
“Kërkojmë nga Kryeministri Kurti që ta shkarkojë Mimoza Kusarin, pasi ka ofenduar dhe fyer veteranët e UÇK-së, në aferën e ZDRAVO” përfundon Syla/Gazeta Papirus/
