Xhelal Sveçla, ministër i Punëve të Brendshme, ka publikuar pamjet e rrahjes së dy qytetarëve shqiptarë në Mitrovicën e Veriut.
Në videon e publikuar, shihen teksa disa persona afrohen tek dy qytetarë që po qëndronin në veri, dhe fillojnë të godasin ata.
Sveçla ka shkruar se këta qytetarë u sulmuan brutalisht nga milicia fashiste.
“Qytetarët tanë u sulmuan brutalisht në sheshin e Mitrovicës së Veriut nga milicia fashiste e orkestruar dhe drejtuar nga Beogradi.” – shkroi ndër të tjera Sveçla.
