Shefi i grupit të asambleistëve të Lëvizjes Vetëvendosje në Kuvendin Komunal të Prishtinës, Gëzim Sveçla, ka reaguar pas publikimit të videos ku ai shihet duke demoluar pajisjet në sallën e mbledhjes.
Ai ka theksuar se këtë veprim e bëri për të pamundësuar miratimin e Planit Zhvillimor Komunal dhe zgjerimin e Zonës Ekonomike.
Të dashur qytetarë, aktivistë, mbështetës e përkrahës të Lëvizjes VETËVENDOSJE!
Tashmë kemi hyrë në fazën kur është intensifikuar lansimi i shpifjeve, të pavërtetave, mashtrimeve e inskenimeve të përditshme që bëhen nga grupe e individë të caktuar e që kanë veç një mision:
GËRRYERJEN e përkrahjes për Lëvizjen VETËVENDOSJE!, kudo që ka mundësi, te secili e te çdonjëri, pak aty – pak këtu, në mënyrë që Lëvizja të bie nën 50%.
Prandaj, është shumë e nevojshme që të verifikohet çdo burim i informacionit. Për çdo lajm apo status në rrjete sociale, përveç se çka ka thënë – është shumë e rëndësishme me ditë edhe kush e ka thënë”, shkroi Sveçla në reagimin e tij.
