Këshilli Studentor i Fakultetit të Filologjisë ka njoftuar se Senati i Universitetit të Prishtinës e ka përjashtuar nga puna dhe nga procesi mësimor, profesorin Bekim Bejta që dyshohet për kërcënime, shantazh e dhunë psikologjike ndaj studentëve, përcjell Gazeta Papirus.
Në njoftimin e Këshillit Studentor thuhet se presin nga Senati i UP-s që ta largojnë përfundimisht nga puna profesorin në fjalë.
Tutje, në njoftim thuhet se edhe profesorët e tjerë ë kanë qenë indifferent ndaj rasteve të tilla duhet të fillojnë të reflektojnë.
Njoftimi i plotë nga Këshilli Studentor i Fakultetit të Filologjisë:
“Profesori i Fakultetit të Filologjisë, Bekim Bejta, është përjashtuar nga procesi mësimor dhe nga të gjitha aktivitetet akademike në Universitetin e Prishtinës.
Pas reagimit të Këshillit Studentor në Fakultetin e Filologjisë, lidhur me shkeljet e vazhdueshme disiplinore të denoncuara nga studentet, Senati largon përkohësisht nga puna profesorin Bekim Bejta ku sipas fakteve dhe denoncimeve ai pritet te perjashtohet perfundimishte se shpejti.
Menaxhmenti i Fakultetit të Filologjisë dhe Këshilli i Profesorëve, që kanë qenë indiferent ndaj shqetësimeve për gjuhen kërcënuese e deri në kanosje fizike te profesorit Bejta ndaj studenteve dhe personelit, tani kanë rastin e fundit për reflektim. Për këtë do të përkujdesen përfaqësuesit e studentëve në krye me Këshillin Studentor, si garanca më e madhe dhe korrekte.
Universiteti nuk është institucion për rehabilitim dhe integrim, e as arenë e sporteve luftarake!
Këshilli Studentor i Fakultetit të Filologjisë”/Gazeta Papirus/
