Anësori i Kosovës, Edon Zhegrova kandidon për golin e sezonit në Konferencë Ligë.
Faqja zyrtare e Konferencës Ligës ka publikuar dhjetë golat më të mirë për sezonin 2021/22 të kësaj gare.
Ndërsa, në mesin e këtyre golave, është edhe ai i shënuar nga Edon Zhegrova ndaj Kairatit, transmeton lajmi.net.
Reprezentuesi i Kosovës atë supergol e kishte shënuar sa ishte pjesë e skuadrës zvicerane, Basel.
Përveç tij janë edhe Dimitri Payet, Maximilain Wittke, Luis Sinisterra, Matan Hozez, Jordi Gomez, Nicolo Zaniolo, Lorenzo Pellegrini, Lazaros dhe Nazaryna.
Votat nga tifozët do të jenë ato që do të zgjedhin golin më të mirë për këtë sezon në Konferencë Ligë.
