Super Puna, mashtrim për biznese?

Super Puna me lansimin e saj në treg solli edhe ankesa që nuk ekzistonin më parë.

Kjo platformë punësimi e dizajnuar dhe lansuar nga Qeveria e Kosovës për të mundësuar qasjen e të rinjve në tregun e punës përmes bizneseve, sipas Kryetarit të Aleancës Kosovare të Bizneseve, Agim Shahinit, sipërfaqësisht dukej e mirë.

Por që vlerësojnë që kjo mund të jetë një mashtrim për biznese dhe patjetër duhet një përmirësim i funksionimit më të mirë të platformës në të ardhmen.

Krejt ato biznese të cilat hasën në telashe në mos kompenzimin e mjeteve financiare nga Super Puna pasi që punësuan të rinj përmes platformës, ankesat i nisën edhe në dyer të Aleancës së Bizneseve të Kosovës. Dhe sipas Shahinit do të duhej një zgjidhje më e shpejtë e kësaj problematike ngase kompanitë janë detyruar dhe po detyrohen edhe sot e kësaj dite që të paguajnë punëtorët nga xhepat e tyre.

Agim Shahini, për Kiks Kosovën tha që kjo platformë punësimi para se të lansohej, nuk ishte diskutuar mjaftueshëm paraprakisht me bizneset. Dhe që çështja e mos kompensimit të pagave të punëtorëve të punësuar përmes super punës, nuk është pasojë e komplikimit të procedurave të aplikimit.

Vonesa e transfereve të rrogave të punëtorëve që punësohen përmes super punës, sipas Shahinit është shqetësuese dhe dëmtuese për bizneset e vendit.