Fatjon Softa, ekspert i sigurisë, ka folur për super-blindën “Shota” që është prodhuar nga Shqipëria.
Ai ka deklaruar se ky mjet duhet të certifikohet nëse i plotëson parametrat e NATO-s.
“Shqipëria ka kohë që tenton të hyjë në disa teknologji, duke kërkuar që të ketë edhe linjat e saja të prodhimit ‘Made in Albania’. Sikurse ka deklaruar edhe kryeministri vendit , Edi Rama, se do të jetë një sfidë, qoftë edhe prodhimit të armëve ‘Made in Albania’”.
“Në këtë kuadër, sigurisht edhe ky mjet i blinduar e i dizejnuar nga një shqiptar, nga një kompani që quhet ‘Timak’ , kjo ka një administratore shqiptare. Ky është një mjet i prodhuar që duhet të certifikohet nëse i plotëson apo jo parametrat e NATO-s. Ato parametra të cilët lejojnë që mjetet e tilla të përdoren apo të afrohen me shërbimet mbrojtëse të ushtrisë”, ka thënë Softa. /
