Supë peshku

Supa e peshkut është një ndër më të rekomanduarat për nga vlerat ushqyese që mbart. Dhe mos mendoni se është shumë e vështirë për t’u përgatitur.

Përbërësit

• 1 lugë gjelle salcë speci
• Erëza të përziera (kryesisht kripë, rigon, piper)
• 4 thelpi hudhra të grira imët
• 200 gram domate qershi
• 1 finok i prerë në copa të vogla
• ½ presh i prerë imët
• 2 patate të prerë në kubik
• 300 ml lëng perimesh të ziera
• 200 ml verë e bardhë
• 200 ml pana
• vaj ulliri
• 300 gram salmon
• 300 gram tul merluci.

Udhëzimet

1. Në një tenxhere me pak vaj ulliri skuqni preshin.
2. Shtoni patatet, finokun, erëzat. I trazoni mirë dhe i lini të skuqen për disa minuta.
3. Shtoni salcën e specit dhe verën. I përzieni mirë.
4. Shtoni edhe lëngun e perimeve pas disa minutash shtoni panën.
5. Trazojeni vazhdimisht!
6. Shtoni domatet qershi dhe e lini supën të ziejë për 15 minuta.
7. Më pas i shtoni peshkun.
8. E lini 3 minuta dhe e hiqni .
9. Në fund supën e spërkasim me lëng limoni dhe pak vaj ulliri.
10. Shërbejeni supën të ngrohtë!
11. Ju bëftë mirë!