Ish-prokurori kosovar, Sylë Hoxha, ka thënë se rasti i Banjskës është mjaft voluminoz dhe se për këtë prokurorisë i duhet kohë për shkak se kërkon angazhim më të madh.
“Rasti i Banjskës është mjaft voluminoz që kërkon kohë, punë dhe angazhim shumë të madh. S’dyshoj në angazhimin e prokurorit, apo më shumë prokurorëve dhe me hetuesit e krimeve të rënda që punojnë. Kam pas rast t’i njohë. Ky rast voluminoz merr kohë.” – tha ai.
Në lidhje me kritikat në mungesë të një raporti për sulmin e 24-shtatorit, Hoxha tha se Prokuroria s’del me raporte as për BE-në e as për Qeverinë deri në momentin kur të grumbullojnë provat.
“Rasti është mjaft kompleks dhe duhet të përgatitet. Dhe Prokuroria s’dalin me raporte me njoftuar Qeverinë dhe BE-në, por dalin me aktakuzë kur të grumbullojnë provat”, deklaroi Hoxha
