Trajneri Faruk Statovci nuk ka arritur të përmbahet në përballjen me ish-drejtorin sportiv të FC Prishtinës, Fisnik Kërçelin në emisionin “Kampionët” në televizionin Kanal 10, shkruan Insajderi.
Statovci gjatë gjithë emisionit ishte disi i qetë por në momentin që ai mori fjalën filloi të inkuadrohet në debat ashtu siç di ai.
Trajneri aktual i FC KEK-ut iu drejtua Kërçelit se është personi përgjegjës për borxhet e klubit kampion të Kosvoës.
Sipas Statovcit, Kërçeli së bashku me agjentat nga Shqipëria kanë punuar për disa interesa të përbashket dukë sjellë në futbollin e Kosovës futbollistë në moshë dhe me paga të larta.
Ndërsa, Kërçeli insistoi se Statovci nuk e di as çfarë po flet, duke i thënë se me “llafe” të kafeve ke ardhë në emision.
Ish-drejtori Kërçeli gjatë këtij sezoni është shkarkuar nga Artan Osmani, drejtor aktual në klubin kryeqytetas.
Në kohën e Kërçelit trajner ishte Zekirija Ramadani dhe së bashku drejtuan klubin bardh e kaltër drejt fitimit të titullit kampion pas më shumë se tetë vitesh pa e fituar atë.
Edhe për fitimin e titullit kampion, Statovci iu drejtua Kërçelit duke i thënë se mos fol për pastërti sepse gjithë e dinë se si është bërë Prishtina kampion. /Insajderi/
Më poshtë keni videon e përballjes së tyre në emision:
