Një ngjarje e pakëndshme ka ndodhur ditën e djeshme në Maqedoni gjatë manifestimit të organizuar nga ana e Agjencisë për Rini dhe Sport, që ndau çmimet për më të mirët e vitit.
Sipas, ‘InfOSport.mk’, hendbollisti i përfaqësueses së Maqedonisë, Stole Stoilov ka braktisur ceremoninë.
Arsyeja ka qenë përdorimi i gjuhës shqipe, gjë që e nervozoi pa masë dhe e bëri të largohej duke përplasur derën.
E gjithë kjo kishte ndodhur në fillimin e kësaj ceremonie.
Pikërisht në momentin kur dy çmimet e para iu ishin ndarë dy sportistëve shqiptarë nga Çairi dhe Tetova.
Përfaqësuesi i shkollës së mesme ekonomike Bujar Ibraimi, profesor i sportit dhe kryetar i Lidhjes së Sporteve në Komunën e Tetovës, të pranishmëve u ishte drejtuar në gjuhën shqipe.
Kaq mjaftoi që Stoilov të inatosej dhe të largohej para kohe nga manifestimi në të cilin i pranishëm ishte edhe kryeministri i vendit, Zoran Zaev.