Trajneri i Bayern Munich, Thomas Tuchel, shpreson në një mrekulli sonte në kundër Manchester City Allianz Arena për të kaluar në gjysmëfinale të Ligës së Kampionëve.
Por City udhëtoi në Munich si favorit për të kaluar në gjysmëfinale të Ligës së Kampionëve, pas një fitoreje bindëse në ndeshjen e parë çerekfinale me rezultat 3:0 javën e kaluar në Etihad.
Tuchel thotë se do të duhet një përpjekje e jashtëzakonshme nga i gjithë klubi për të parandaluar eliminimin në çerekfinale për sezonin e tretë radhazi.
“Na duhet një mrekulli, në fakt do të ishte një mrekulli. Është e vështirë dhe është një mal i madh për ta kapërcyer. Ne besojmë në vetvete, por nuk duam që të jemi ëndërrimtarë. Të ëndërrosh për mua është që të jesh në gjumë dhe nëse nuk mund të bëjmë gjë nuk mund të flemë për një sekondë”, tha Tuchel para ndeshjes.
“Ne duhet të besojmë dhe ta bëjmë që të ndodhë me paraqitje, shpirtin e ekipit dhe energjinë. Ne kemi veten, ekipin dhe fansat që janë të gatshëm të luftojnë me ne dhe të kemi nivelin e realistit dhe optimizmit”, shtoi ai.
Gjithashtu Tuchel ka treguar se Sadio Mane do të jetë pjesë e ekipit në ndeshjen kundër Manchester Cityt dhe se kanë bërë paqe me Leroy Sanen pas incidentit.
“Sadio është pjesë e skuadrës dhe nuk flasim për incidentin më, vendimi është marrë na duhet të presim për të parë nëse do të startojë apo do të jetë në bankën rezervë”, tregoi ai.
Me Mane në skuadër gjithashtu është rikthyer Eric Maxim Moting i cili ka qenë jashtë ekipit të Bayernit për tre ndeshje pas një lëndimi në gju dhe do të jetë i gatshëm për ndeshjen, ndërsa Tuchel tha se nuk e di ende nëse Eric do të startojë apo jo.
Bayern ka fituar dy nga pesë ndeshjet e Tuchel deri më sot dhe është në krye të Bundesligës më pikë të barabarta me Borussia Dortmund. Pas eleminimit në Kupën e Gjermanisë në fazën çerekfinale nga Freiburg, ekipi i Tuchel u kritikua se ata janë mësuar të fitojnë çdo gjë dhe se tani po rrëshqasin, Tuchel tha se klubi është në rikuperim dhe se shumë ekipe të botës do të dëshironin të ishin në vendin e Bayern Munich.
