Sulmuesi i Tottenham, Heung min Son mendon se klubi duhet ta respektojë vendimin e Kane lidhur me të ardhmen e tj si do që të jetë ai. Sipas “Mail Sport” drejtuesit e klubit londinez po mendojnë që ta shesin Kane që këtë merkato vere nëse ai refuzon që të nënshkruajë një kontratë të re me ta.
Dhe tani Kane mund të largohet nga klubi i adoleshencës së tij për 100 milion paund. Ndërsa sipas mediave presidenti Leëy po ushtron presion mbi sulmuesin që ai të firmosë kontratën e re prej 400 mijë paundësh në javë. Megjithatë, Bayerni është prapa derës për të përfituar nga situata e Kane. Lidhur me këto spekullime ka folur sulmuesi tietër i Tottenham, koreani Heung Min Son, i cili në Bangkok ka deklaruar:
“Unë e dua atë si lojtar, është një shembull për t’u ndjekur dhe një nga sulmuesit më të mirë në botë, ai erdhi në stërvitje pa asnjë shenjë shpërqëndrimi dhe me një profesionalizëm të plotë, po qarkullojnë shumë lajme për të, por ai është kapiteni dhe po punon me ekipin, nuk e di se cili do të jetë vendimi përfundimtar i Kane por mendoj se klubi duhet ta respektojë atë”.
Kane këtë vit ka hyrë në vitin e fundit të kontratës me klubin, teksa Bayerni është pranë arritjes së një marrëveshje personale me anglezin, ndërsa më herët Tottenham kishte refuzuar 2 oferta nga Bayerni për të njëra 60 milion dhe tjetra 70 milion paund.
