Numri mund të jetë edhe më i madh, mirëpo kaq janë të regjistruar në Agjencinë e Punësimit si të pa punë gjatë viteve 2024-2025.
Në përgjigjet që kjo Agjenci i ka dërguar Kiksit, thuhet se 63 gra janë të papuna, e 118 burra.
Numri i të papunëve me aftësi të kufizuara ishte edhe më i lartë gjatë vitit 2023, bazuar në raportet vjetore të Agjencisë së Punësimit.
195 ishin të papunë, prej tyre 136 burra dhe 59 gra. Ndërkaq, vetëm 15 persona janë punësuar përgjatë këtij viti.
Punësimin e personave me aftësi të kufizuara e kanë të obliguar të gjithë punëdhënësit me mbi 50 punëtorë ose t’i paguajnë buxhetit të shtetit një pagë minimale.
Kështu thuhet në ligjin 03/1-019, por a gjen zbatim kjo?
Nga përgjigjet e Inspektoratit të Punës kuptojmë që fare pak. Kjo pasi në vitin 2024 janë raportuar 5 raste të diskriminimit ndaj këtyre personave.
E 42 të tjerëve, kundërligjshëm ua kanë shkëputur marrëdhënien e punës.
Për këto, inspektorët në tri raste kanë shqiptuar masën e gjobës. Dy nga 500 euro dhe një në shumën 700 euro.
Por, nëse ky ligj gjen më pak zbatim në institucione private apo publike, këtë informacion nuk e ka as vetë Inspektorati.
Detajet i gjeni në kronikën në vijim:
