Pas skandalit që ka shpërthyer në lidhje me akuzat për vjedhje të votave brenda partisë së LDK-së, ku dyshohet se disa kandidatë janë përfshirë në manipulime të votive të Diasporës, një takim i jashtëzakonshëm ka ndodhur në një restorant, shkruan Gazeta Papirus.
“Kujtë qitja emrin… skemë e organizuar kriminale” – përplasja në “Viber” mes Shalës e Gashit për votat e diasporës – GAZETA PAPIRUS
Burime të afërta të Gazeta Papirus raportojnë se takimi ka përfshirë figura të njohura të LDK-së, përfshirë gradën e vjetër të partisë, për të diskutuar mundësinë e një pajtimi dhe rindërtimin e unitetit brenda parties.
Në këtë takim janë parë Alush Gashi, Muhamet Hamiti dhe Doarsa Kica Xhelili, të cilët janë përpjekur të gjejnë një zgjidhje për tensionet e brendshme dhe për të rindërtuar besimin mes anëtarëve të kësaj parties.
Pjesë e diskutimit ka qenë gjithashtu dëshira për të lënë pas shpine ngjarjet që kanë shpërthyer në grupin e Viberit, ku janë nxjerrë akuza të rënda për manipulime dhe vjedhje votash.
Diskutimi është përqendruar në pasojat e skandalit të votave, i cili ka nisur nga një grup i brendshëm në Viber, ku figura të rëndësishme të LDK-së, përfshirë Kujtim Shalën dhe Arben Gashin, kanë ngritur akuza të rënda për manipulime. Ish-shefi i grupit parlamentar të LDK-së, Arben Gashi, ka insistuar se ka pasur vjedhje votash dhe e ka quajtur këtë proces një “skemë kriminale”. Në mesazhet e publikuara, ai i është drejtuar Kujtim Shalës duke thënë: “Faktet po ulërasin o Kujtim. Ti duhet me u pajtu me shqetësimin, për krimin qe ka ndodhë.”
Kriza brenda LDK-së ka nxitur reagime të shumta, duke kulmuar me një deklaratë të ish-kryeministrit Avdullah Hoti më 18 mars 2025 në Facebook, ku ai ka kërkuar një lidership të ri për partinë. Pas këtij takimi dhe tensioneve të brendshme, mbetet të shihet nëse LDK do të arrijë të rikthejë stabilitetin e saj politik. /Gazeta Papirus/
