Partia Socialiste e Shqipërisë kryeson dukshëm para opozitës në shumicën e bashkive ku u votua ditën e djeshme. Kampi socialist udhëheq edhe në bashkitë kryesore Tiranë, Durrës, Lezhë, Shkodër, Tropojë, Kukës, dhe Devoll etj. Deri tani PS ka fituar zyrtarisht 10 bashki, kurse koalicioni “Bashkë Fitojmë” 3 bashki
Sipas rezultateve paraprake PS po shkon drejt fitores në 54 bashki kurse koalicioni opozitar “Bashkë Fitojmë” udhëheq garën elektorale në 7 bashki. Në Has, Fushë-Arrëz, Pukë, Mirditë, Rrogozhinë, Kuçovë, Belsh dhe Memaliaj.
Lexo Edhe:
Mënyrë natyrale për të rritur epshin tuaj në 30 sekonda
A do mbajë përgjegjësi nëse s’merr 50 bashki? Berisha: Automatikisht kaloj…
Partia Socialiste ndryshe nga herët e shkuara, në këto zgjedhje po tenton të thyejë bastionet kryesore të opozitës, siç është Shkodra apo edhe Kukësi.
–Për t’u njohur me rezultatet në kohë reale KLIKONI në linkun: https://iemis.kqz.gov.al/results2023/results2023.htm
Bashkitë ku është MBYLLUR VOTIMI deri më tani
Bashkia ELBASAN:
Gledjan Llatja PS (56%) Luçiano Boçi BF (44%)
Bashkia KAMËZ:
Rakip Suli PS (66.36%) Arjan Hioxha BF (35.32%)
Bilbil Bajraktari PD (4.32%)
Bashkia VORË:
Blerim Shera PS (73.52%) Indrit Hoxha BF (26.48%)
Bashkia PUSTEC:
Pali Kolefski PS (63.67%) Pandi Jani (BF) (36.24%)
Bashkia DELVINË:
Besmir Veli PS (62.61%) lir Mehmeti BF (37.39%)
Bashkia PUKË
Rrok Dodaj BF (58.13%) Gjon Gjonaj PS (41.87%)
Bashkia DROPULL
Thanas Maneka BF (14.87 %) Dhimitraq Toli PS (81.25 %) Kosta Garo Nisma Thurje (3.88 %)
Bashkia TEPELENË
Tërmet Peçi PS (82.67 %) Baftjar Imeri BF (10.33 %) Sokol Guga PD (7.00 %)
Bashkia PRRENJAS
Nuri Belba PS (63.31%) Suzana Topi BF (36.69%)
Bashkia HIMARË
Fredi Beleri BF (fitues) Jorgo Goro PS
Bashkia BELSH
Arif Tafani PS (50.23%) Bedri Qypi BF (49.77%)
Bashkia KOLONJË
Erion Isai PS (64.28%) Et’hem Lumani BF (35.72%)
Bashkia MEMALIAJ
Albert Malaj BF-52% Gjolek Guci PS-48%
Bashkia HIMARË
Jorgo Goro PS (49.88%) Fred Beleri BF (50.12%)
Bashkia RROGOZHINË
Edison Memolla PS (50.11%) Shkëlqim Hoxha BF (49.89%)
Bashkia BULQIZË
Festime Mjeshtri (60.27 %) Defrim Fiku (39.73 %)
NDIQNI ZHVILLIMET MINUTË PAS MINUTE
12:43 Përfundon numërimi, PS fiton në Korçë (Rezultatet)
Në Korçë ka përfunduar numërimi i kutive të votimit, ku sërish ka fituar Partia Socialiste.
12:39 Kandidati i Partisë Socialiste thellon diferencën me 10 mijë vota në Shkodër
Kandidati i PS në Shkodër Benet Beci duket se po shkon drejt fitores duke i marrë fronin kandidatit të PD Bardh Spahia duke thelluar rezultatin me 10 mijë vota plus.
11:47 Devolli ngjyroset rozë pas 30 vitesh
Pas 30 vitesh Partia Socialiste ka siguruar fitoren në Devoll.
11:16 Koalicioni “Bashkë Fitojmë” rrëzon nga froni kandidatin socialist në Fushë-Arrëz
Fran Tuci, i cili kërkonte një mandat të tretë për Partinë Socialiste në Fushë Arrëz ka humbur përballë Hil Currit nga koalicioni Bashkë Fitojmë.
11:15 Mirdita i “jep duart” PS-së, e merr “Bashkë Fitojmë”, sa ishte diferenca e votave
Është mbyllur votimi në Mirditë, ku kandidati i “Bashkë Fitojmë”, Albert Mëlyshi ka siguruar 55.19% të votave kundrejt kandidatit socialist Ndrec Dedaj me 44.81% të votave.
10:55 Mbyllet numërimi në Klos dhe Bulqizë, PS fiton garën, kush kryeson në Dibër dhe Mat (Rezultatet)
Numërimi i votave ka përfunduar në bashkinë e Klosit ku fitues është zgjedhur kandidatja socialiste Valbona Kola me 56.07% të votave kundrejt kandidatit të “Bashkë Fitojmë”, Bedri Hoxha me 43.93% të votave.
10:46 PS mban bashkinë Lushnje, diferenca mes kandidatëve
Partia Socialiste ka siguruar fitoren në Lushnje me kandidaten Eriselda Sefa e cila ka marrë mandatin për herë të parë si kryebashkiake.
10:43 Tronditen demokratët, PS thyen bastionet historike të PD! Situata nga jugu në veri
Partia Socialiste po shkon drejt fitores në pjesën dërrmuese të bashkive në Shqipëri. Nga ana tjetër demokratët duket se po humbasin edhe bastionet historike.
10:17 Memaliaj merret nga “Bashkë Fitojmë”, në Këlcyrë Alibeaj i prish punë Berishës (Rezultatet)
Bashkinë Memaliaj e ka fituar opozita ndërsa Këlcyrën socialistët, të “ndihmuar” dhe nga PD zyrtare.
10:14 U burgos dy ditë para zgjedhjeve, Fredi Beleri rrëmben fitoren në bashkinë Himarë
Fredi Beleri, kandidati i koalicionit ‘Bashkë Fitojmë’ në Himarë ka fituar përballë kandidatit të PS Jorgo Goro.
9:54 SHIFRAT- Shkodra, bastioni historik i demokratëve “sundohet” nga PS, thellohet rezultati edhe në Tiranë
Shkodra dhe Tirana dy bashkitë e mëdha ku lufta duket se është më e ashpër po kryesohen nga PS.
9:40 Tensionohet situata në Himarë, Fredi Beleri përmbys rezultatin në kutitë e fundit
Tensionohet situata në Himarë. Kandidati i koaliconit “Bashkë Fitojmë” për Bashkinë e Himarës, Fredi Beleri, ka përmbysur rezultatin në kutitë e fundit që janë në numërim.
9:30 Numërohen shumica e votave, kush kryeson në Sarandë
32 nga 52 kuti janë numëruar deri më tani në Sarandë, ndërsa vijon ende numërimi i votave.
9:23 “Vuloset” rezultati në Rrogozhinë, kush kandidat e fiton
Ka mbaruar gjithçka në Rrogozhinë. Ka fituar kandidati i Partisë Socialiste, Edison Memolla me vetëm 23 vota diferencë me kandidatin e koalicionit “Bashkë Fitojmë”, Shkëlqim Hoxha.
9:15 Mbyllet numërimi në Bashkinë e Peqinit, PS fiton garën
Është mbyllur numërimi i votave në Bashkinë e Peqinit.
9:08 Diferencë e ngushtë votash në Rrogozhinë mes kandidatit socialist dhe rivalit të “Bashkë Fitojmë”
48 nga 55 kuti votimi janë numëruar në Rrogozhinë, ku momentalisht kryeson kandidati socialist, Edison Molla me 10 vota më shumë ndaj rivalit të tij, kandidatit të koalicionit “Bashkë Fitojmë”, Shkëlqim Hoxha.
8:58 Beteja për Elbasanin, socialistët fitore të thellë edhe në këshillin bashkiak
Një diferencë e thellë në rezultate vihet re dhe në këshillin bashkiak në Elbasan, ku PS ka marrë 28 mandate, “Bashkë Fitojmë” 13 mandate, PD e Alibeajt 7 mandate, PDIU 1 mandat.
8:56 Kandidatët pinë kafe bashkë ditën e zgjedhjeve, dalin rezultatet për Bashkinë Roskovec
Majlinda Bufi ka fituar një tjetër mandat në drejtimin e bashkisë Roskovec. Ajo ka fituar përballë kandidatit të koalicionit “Bashkë Fitojmë” Erdit Harizaj me diferencë prej 579 votash.
8:42 Isai apo Lumani, kush kryeson në Kolonjë
Sipas rezultateve të deritanishme, socialisti Erion Isai, i cili kandidon për një mandat të dytë, kryeson garën me 3491 vota.
8:36 Tropoja me surpriza, kush kryeson në Kukës dhe Has
Në Bashkinë Kukës është kandidati socialit Safet Gjici që vijon të udhëheqë teksa janë numëruar 16 nga 73 kuti.
8:22 Tepelena mbyll numërimin, Tërmet Peçi i PS mund bindshëm kundërshtarët
Ka përfunduar procesi i numërimit edhe në Tepelenë, ku ka fituar bindshëm Tërmet Peçi i PS-së.
8:20 Gara në Finiq, PD dhe BF “kokë më kokë”, i parakalon partia e tretë në garë
Finiqi vijon numërimin e votave. Ndonëse kishte shpresë për PD zyrtare, deri tani me vota kryeson Partia e Minoritetit grek.
7:48 307 kuti të numëruara, kush kryeson në Tiranë
Deri më tani garën e kryeson bindshëm kandidati socialist Erion Veliaj ndaj kandidatit të koalicionit “Bashkë Fitojmë”, Belind Këlliçi.
7:31 Vijon numërimi në Shkodër, Benet Beci vazhdon të kryesojë garën
Në Shkodër nga numërimi i 70 kutive nga 247, Benet Beci po fiton me rreth 3300 vota ndaj Bardh Spahisë së Partisë Demokratike.
7:16 Përfundon numërimi i votave, PS fiton bashkinë e Këlcyrës
Në Këlcyrë ka përfunduar numërimi i votave dhe fitues është shpallur Klement Ndoni.
7:10 Zgjedhjet/ PS siguron deri tani 7 bashki në rang vendi
Deri më tani Partia Socialiste ka arritur të sigurojë 7 bashki, ndërsa “Bashkë Fitojmë vetëm një bashki, atë të Pukës.
7:01 Përfundon numërimi në Pukë, “Bashkë Fitojmë” merr bashkinë e parë
Ka përfunduar procesi i numërimit të votave në Bashkinë e Pukës. Pasi janë numëruar votat në 20 qendrat e votimit, koalicioni “Bashkë Fitojmë” ka triumfuar duke marrë kështu zyrtarisht bashkinë e parë.
