Shqipëria ka votuar sot për zgjedhjen e drejtuesve të rinj të pushtetit vendor në 61 bashkitë e vendit.
Është mbyllur zyrtarisht orari i votimit për zgjedhjet vendore në vendin tonë, por në disa qendra votimi ende vijon procesi, për shkak se ka ende qytetarë që kanë qenë në radhë.
Qendrat e votimit u hapën në orën 07:00 dhe u mbyllën në orën 19:00.
Për të zgjedhur 61 kandidatë për kryebashkiakë, në garë janë 144 kandidatë. Në 61 bashki të vendit ishin të hapura 5213 qendra votimi. Për herë të parë në Kamëz, Vorë dhe Elbasan aplikohet numërimi elektronik.
Bëhet me dije se deri në orën 18:00 pjesëmarrja e votuesve sipas KQZ-së ka qenë 36.39 % në rang vendi.
