Shqipe Mjekiqi Sadiku ka konfirmuar sot se ka dhënë dorëheqje nga pozita e nënkryetares dhe anëtares së Kryesisë së LDK’së.
Mjekiqi-Sadiku përmes një reagimi në Facebook, ka thënë se kjo dorëheqje nga strukturat e LDK’së vjen si pasoj siç ka thënë ajo e hapësirës së pamjaftueshme.
“Të martën, më 14 mars 2023, kam dhënë dorëheqje nga pozita e nënkryetares dhe anëtares së Kryesisë së Lidhjes Demokratike të Kosovës. Mundësinë për të shërbyer në strukturat e larta e morra si besim dhe konfirmim për vullnetin e mirë drejt ndryshimeve thelbësore. Fatkeqësisht, hapsira për të kontribuar ishte e pamjaftueshme ndërkaq, përgjegjësitë dhe kompetencat ishin të kufizuara në raport me pozicionin që kisha. Për më tepër, përpjekjet për të ndryshuar këtë nuk patën sukses”, ka shkruar Shqipe Mjekiqi Sadiku.
