Një akuarium gjigant me rreth një milion litra ujë ka shpërthyer në hollin e një hoteli në Berlin, duke përmbytur hotelin dhe rrugët aty pranë.
Nga shpërthimi, dy persona mbetën të plagosur.
AquaDom”, ishte shtëpia e 1500 peshqve tropikal me një lartësi prej gati 16 metrash, si dhe akuariumi cilindrikë më i madh në botë. Bëhet me dije se shumica e peshqve kishin ngordhur dhe moti i ftohtë i kishte bërë përpjekjet e shpëtimit më të vështira.
Fillimisht pati spekulime se shpërthimi ndodhi si pasojë e temperaturave tejet të ulëta që gjatë natës arritën në minus 10 gradë celsius.
Ndërtesa ka gjithashtu edhe kafene dhe dyqane. Policia tha se rreth 300 persona janë evakuuan nga hoteli pas ngjarjes.
Akuariumi u rikonstruktua dy vjet më parë dhe ka një ashensor me mure xhami të ndërtuara brenda për përdorim nga vizitorët.
“AquaDom” u hap në dhjetor 2003 dhe iu dha Rekordi Botëror Guinness si akuariumi cilindrik më i madh në botë. Sipas raporteve në kohën e ndërtimit të tij, ndërtimi i tij kushtoi rreth 12.8 milion.
