Hysamedin Feraj në një shkrim të tijin humbet nëpër referenca historike e të letërsisë duke tjerrë një narrativ se kryeministri Albin Kurti na qenka një hakmarrës e përmirësues i padrejtësive e gabimeve diplomatike të Perëndimit.
Referencat e tija nuk kanë asnjë ngjashmëri as ndërlidhen me situatën e sotme e as nuk përputhen me narrativin se kjo që po ndodh në Kosovë na qenka një test për demokracinë perëndimore siç tenton ta mbështjellë në përfundim të shkrimit. Me zor.
Diplomaci pengmarrëse i vlerëson përpjekjet e fundit për konferencë që erdhën si pasojë e veprimtarisë së liderit të tij që sigurisht nuk është e mundur të jetë gabim ndonjëherë, as pahiri bile siç e përshkruan Feraj natyrisht.
“Kurti është si Konti i Monte Kristos” shkruan Feraj, engjëlli hakmarrës për të ligjtë komplotues, grabitqarë kapitalistë, borgjez ma, si armiqtë e personazhit fiktiv Edmond Dantes në romanin e Alexandre Dumas.
S’dorëzohet Albini shkruan Hysamedini, pa i kërkuar askush kryeministrit të dorëzohet fare. Thjeshtë po i kërkojnë të tregohet i arsyeshëm. Por kjo është kërkesë e rëndë për kryeministrin Kurti kur pritjet që i kanë zelotët si Feraj janë mesianike. I lumi kryeministri për ta
