Analisti Shkelzen Maliqi ka komentuar zhvillimet e sotme në Bruksel, ku tha se Kryeministri i Kosovës nuk është duke i kuptuar rregullat e lojës me faktorët ndërkombëtarë.
Maliqi tha se Kurti është duke i përbuzur propozimet e BE-së dhe SHBA-së.
“I mban në xhepin e vogël prej gjeniu idetë e veta se si duhet të jetë marrëveshja me Serbinë”, ka shkruar ai.
Postimi i plotë:
KM i Kosovës nuk i kupton rregullat e lojës me faktorët ndërkombëtarë. Injoron dhe përbuzë propozimet e BE dhe SHBA, sepse i mban në xhepin e vogël prej gjeniu idetë e veta se si duhet të jetë marrëveshja me Serbinë. Është naivitet absolut dhe vetëdestruktiv të krekosesh me ide dhe mençuri para atyre që në të vërtetë janë arbitrat e marrëveshjes. Gjatë historisë asnjëherë nuk kemi pas fat të tillë, si aktualisht, që të jemi të përkrahur nga shumica e superfuqive vendimarrëse në çështjet gjeopolitike, por ja që gjeniu ynë dritëshkurtër paska vendosur mos ti përfillë Amerikën, Britanin dhe Francën!
Pa, pa, pa, pa! Aferim bre!
Le të na merr tash lumi…
