Kryetari i Junikut, Ruzhdi Shehu është rizgjedhur edhe për 4 vjet si kryetar i degës së LDK-së në Junik.
Ai thotë se do të vazhdojë përpara dhe më fuqishëm për të mirën e Junikut dhe të gjithë junikasve pa dallim.
Shkrimi i plotë:
Të dashur junikas,
Dega e LDK në Junik sot ka mbajtur Kuvendin Zgjedhor ku unë kam marrë besimin edhe për katër (4) vite të tjera si kryetar i degës.
Ju faleminderit të gjithë kolegëve bashkëpartiak për besimin e dhënë. Ne do të vazhdojmë përpara, çdo ditë dhe më të fuqishëm për të mirën e Junikut dhe të gjithë junikasve pa dallim. Shumë punë të mëdha janë duke u kryer çdo ditë mirëpo edhe shumë të tjera po presin për t’u kryer edhe në vijim. Prandaj të bashkuar do të vazhdojmë edhe më fuqishëm në të ardhmen me rezultatet e shkëlqyeshme të degës së LDK në Junik.
Zoti e bekoftë Kosovën dhe miqtë e saj
Zoti e bekoftë Junikun
Zoti e bekoftë Lidhjen Demokratike të Kosovës
