Shtetet e Bashkuara kanë reaguar me kujdes ndaj deklaratës së Putinit, me një zyrtar të lartë të administratës duke thënë se nuk kishte shenja që Moska planifikonte të përdorte armët e saj bërthamore.
Putin i krahasoi planet e tij me vendosjen e armëve të SHBA-së në Evropë, duke thënë se Rusia nuk do ta transferonte kontrollin në Bjellorusi, shkruan Reuters.
“Nuk ka asgjë të pazakontë këtu, së pari, Shtetet e Bashkuara e kanë bërë këtë për dekada. Ata kanë vendosur prej kohësh armët e tyre taktike bërthamore në territorin e vendeve të tyre aleate. Ne ramë dakord që do të bëjmë të njëjtën gjë, pa shkelur detyrimet tona, theksoj, pa shkelur detyrimet tona ndërkombëtare për mospërhapjen e armëve bërthamore”, ka thënë Putin.
