Sërish treni godet një veturë në Klinë, raportohet për të lënduar

Një aksident trafiku ka ndodhur para disa minutash në fshatin Stupe, të Klinës.

Raportohet se sërish treni ka goditur një veturë ku si pasojë e aksidentit disa persona kanë pësuar lëndime të lehta, e me dëme materiale.

Demos ka kontaktuar policinë për rastin dhe është në pritje të informatave më të hollësishme.

Javë më parë në orarin e njejtë, po ashtu në Klinë kishte ndodhur një aksident i ngjashëm, mirëpo me viktima.

Ku si pasojë e goditjes së trenit, një person kishte humbur jetën e tre të tjerë ishin lënduar.

“Ngjarja ka ndodhur rreth orës 12:25. Në vendin e ngjarjes kanë dalur ekipet emergjente dhe zjarrfikësit. Vdekjen e viktimës e ka konstatuar mjeku në vendin e ngjarjes. Tre të lënduarit janë dërguar për trajtim në Emergjencën e Spitalit Rajonal në Pejë”, kishte deklaruar zëdhënësi i policisë për rajonin e Pejës, Fadil Gashi.