Eksperti i Evropës Juglindore, Milan Niç, beson se me tërheqjen e serbëve nga institucionet e Kosovës, marrëdhëniet mes Kosovës dhe Serbisë kanë shkuar prapa dhe kanë humbur një shans real për të arritur një marrëveshje..
Nich thotë se deri para disa ditësh çdo gjë dukej se po shkonte mirë sa i përket normalizimit të marrëdhënieve ndërmjet Beogradit dhe Prishtinës.
Mendoj se shumë gjëra në muajt e fundit kanë qenë në rrugën e duhur në drejtim të normalizimit ose së paku përmirësimit të marrëdhënieve ndërmjet Serbisë dhe Kosovës. Pra, ishte procesi i Berlinit ai që arriti marrëveshjet e para. Pra, gjërat po shkonin mirë për Kosovën. Dhe në plan të dytë ishte iniciativa diplomatike e Berlinit dhe Parisit për të arritur përparim të madh ndërmjet Serbisë dhe Kosovës. Dhe në këtë mes kishte çështje të vogla dhe simbolike ndaj të cilave Albin Kurti mbajti qëndrim parimor. Në gusht, amerikanët e ndihmuan me kartat e identitetit. Është interesante se minikriza e asaj kohe rezultoi me një marrëveshje të pashkruar që Serbia do t’i njihte letërnjoftimet e Kosovës në fund të vitit. Njohja e dokumenteve personale ishte atëherë pjesë e marrëveshjeve ndërkombëtare të Tregut të Përbashkët Rajonal të Procesit të Berlinit dhe kur të ratifikohet, do të bëhet detyruese. Kështu që gjërat po lëviznin në drejtimin e duhur,
Nich shton se tani Serbia do të përdorë gjithçka që i lejon për të “blerë kohë dhe për të shmangur një marrëveshje me Kosovën”.
“Unë mendoj se tani Vuçiq do të përdorë çdo çështje që i lejon të blejë kohë, për të shmangur një marrëveshje të përgjithshme me Kosovën. Prandaj, tërheqja e serbëve nga institucionet e Kosovës në veri nuk ka të bëjë fare me këtë krizë. Vuçiq vendosi që çdo çështje të vogël ta kthejë në një rrugë të madhe. Pra, kjo nuk është një krizë që do të kapërcehet brenda një dite. Mendoj se de-përshkallëzimi do të kërkojë kohë dhe kapacitete diplomatike, të cilat janë të rezervuara për të arritur një kompromis të madh”, thotë Nich
