Ambasada e SHBA-së në Prishtinë në lidhur me rastin e refuzimit të kryeministrit Albin Kurti për të dëshmuar në Prokurorinë Speciale të Kosovës për rastin e rezervave shtetërore kanë thënë se palët duhet të gjejnë një zgjidhje të përshtatshme që ruan integritetin e institucioneve të Republikës së Kosovës.
Kryeministri i Kosovës, Albin Kurti, ka më shumë se dy muaj që refuzon ftesën e Prokurorisë Speciale për t’u paraqitur para prokurorëve në cilësinë e dëshmitarit për rastin e rezervave shtetërore, shkruan Gazeta Express. Kreu i Qeverisë dhe LVV-së s’ka përfillur as urdhrin e Gjykatës Themelore të Prishtinës për t’u paraqitur në Prokurori dhe ka insistuar në vazhdimësi se duhet të intervistohet ne zyrën e tij në ndërtesën e Qeverisë së Kosovës.
Lidhur me këtë shpërfillje të Kurtit ndaj institucioneve të drejtësisë një përgjigje për Gazetën Express kanë folur nga Ambasada e SHBA-së në Prishtinë. Ambasada amerikane ka kërkuar nga palët e përfshira në këtë rast që të gjejnë një zgjidhje të përshtatshme që ruan integritetin e institucioneve të Kosovës.
