Nga “Kronikë nëpër stuhi I”
Janar-Mars, Fragmente
NDODHI NË DITËN E SOTME
-Masakra e Pastasselit të Rahovecit-
31 marsi
Në ditën e sotme, 31 mars të vitit 1971, n ë fshatin Rrafsh (ish-Rashiq) të Pejës u lind luftëtari i lirisë Agush Asllan Gjocaj, i përjetësuar më 29 janar të vitit 1999 gjatë luftimeve në Rogovën e Hasit. Ishte i plagosur në Betejën e Rahovecit. Më 31 mars, por të vitit 1981, në fshatin Reçak të Shtimes u lind luftëtarja Hanumshahe Sadik Mujota e përjetësuar më 15 janar të vitit 1999 afër Reçakut gjatë luftimeve te Guri i Bagdashit, por më 31 mars të vitit 1998, fshati Glloxhan del i uniformuar dhje i armatosur. Në vitin 1999, në fshatin Shtrugë (ish-Struzhë) të Prizrenit, përjetësohet luftëtari i lirisë Anifi Ali Muja, i lindur më 18 korrik të vitit 1964 e në Malësi të vërrinit përjetësohet luftëtari i lirisë Bajram Thaçi, i lindur më 4 qershor të vitit 1963 e në Gsallushë të Peçanit përjetësohet luftëtari Indrit Cara-Kavaja i lindur më 11 korrik të vitit 1971.
Po në këtë ditë, pra më 31 mars në Pastasel të Rahovecit bëhet masakër mbi popullatën e pafajshme civile që ishte mbledhur prej shumë fshatrave të rrethit të Rahovecit. Në mborjtjen e tyre përjetësohet luftëtari i lirisë Fadil S. Krasniqi i linur më 21 shtator të vitit 1968 në Pastasel.
Në Prishtinë vepron Grupi BIA dhe në aksione guerile përjetësohet pjesëtari i këtij grupi Agim Arif Zeqiri i lindur më 28 korrik të vitit 1968 në fshatin Krasniqi (ish-Dumnicë) të Vushtrrisë e në fshatin Jabllanicë të Prizrenit përjetësohet luftëtari Ramadan Rasim Thaçi i lindur më 1962 në Kushtendil të Vërrinit.
Nëdrmjet fshatrave Pagarushë, Samadraxhë e Dabërdelan ka luftime të përgjakshme. Përjetësohen luftëtarët e lirisë: Fatmir Jonuz Krasniqi i Pagarushës dhe Hysni Morina i Landavicës. Po në këtë ditë përjetësohet luftëtari i lirisë Ali Bilall Gjinovci, i lindur më 2 qershor të vitit 1935 e në fshatin Bubël të Malishevës përjetësohet luftëtari i lirisë Abedin Tahir Mulaku, i lindur më 10 gusht të vitit 1979 në fshatin Shkrep (ish Gremnik) të Klinës.
LAVDI TË GJITHË MARTIRËVE TË KOSOVËS!
LAVDI MARTIRËVE TË PASTASELIT!
LAVDI DËSHMORËVE!
LIRI ÇLIRIMTARËVE!
