Anëtari i Kryesisë së LDK-së, Berat Rukiqi, ka treguar se për të pasur treg të lirë dhe pa tarifa janë tri rrugë përcjell Gazeta Papirus.
Ai ka bërë me dije se Kosova nuk ka nevojë të pres për marrëveshje bilaterale për tregti të lirë për të hequr tarifën prej 10 për qind për produktet amerikane.
Në profilin e tij në “Facebook”, ai ka shkruar se kjo çështje rregullohet me një vendim të qeverisë.
“Për tregti të lirë (pa tarifa) janë tri rrugë:
– Vendimet unilaterale
– Marrëveshjet bilaterale të tregtisë së lirë (med dy vendeve)
– Marrëveshjet multilaterale të tregtisë së lirë (CEFTA, EFTA, etj)
Për largim të tarifës 10% me SHBA, nuk ka nevojë të pritet ndonjë marrëveshje bilaterale me SHBA (siç po pretendon Ministri). Mjafton qasja unilaterale. Një vendim në Qeveri, e rregullon këtë çështje”, ka shkruar Rukiqi.
