Historiani Jusuf Buxhovi në emisionin Konfront në KTV, ka folur në lidhje me atë se si Presidenti historikju Ibrahim Rugova e përjetonte kohën e para luftës, luftës dhe pas saj.
Sipas tij, Rugova kishte paranojë se dikush do ta likuidonte, pasi edhe kishte gjithëçfarë kërcënimesh.
“Rugova ka pasur presion shumë të madh nga Beogradi, ka pasur presion te italianët. E fliste këtë shqetësim me mua. Ai ka qenë i deprimuar. Kisha përshtypjen se gati edhe po humbet. Edhe gjermanët e konstatuan se Rugova kishte një moment shumë të rëndë të përqendrimit dhe u morën vesh që të kalojë sërish në Itali, sepse presioni ishte i madh edhe prej anës së italianëve. Në ndërkohë në Tiranë dhe Prishtinë filluan disa lëvizje të çuditshme kundër Rugovës dhe të bashkëpunëtorëve të tij. Rugova ka kërkuar garanci prej amerikanëve dhe gjermanëve që të jetë i sigurt në Prishtinë. Kur ka shkuar në Shkup, në kamp të refugjatëve, ka qenë shumë i shqetësuar se dikush mund ta likuidojë. Ai tërë kohën e ka pasur paranojën se dikush do ta likuidojë sepse ka pasur gjithfarë kërcënimesh”, ka thënë ai.
