Një person është arrestuar nën dyshimin se ka sulmuar fizikisht një person tjetër me ç’rast i ka shkaktuar lëndime të rënda trupore, shkruan Gazeta Metro.
Sipas raportit 24 orësh të Policisë së Kosovës, rasti ka ndodhur të martën rreth orës 11:30 në sheshin “Mehë Uka”, në Mitrovicë.
Tutje në raport bëhet e ditur se viktima është dërguar në spitalin rajonal për tretman mjekësor, ku edhe iu është nënshtruar një intervenimi kirurgjik.
“Është arrestuar i dyshuari mashkull kosovar nën dyshimin se ka sulmuar fizikisht viktimën mashkull kosovar me ç’rast i ka shkaktuar lëndime të rënda trupore. Viktima është dërguar në spitalin rajonal për tretman mjekësor, ku edhe iu është nënshtruar një intervenimi kirurgjik”, thuhet në raport.
Tutje në raport, me vendim të prokurorit i dyshuari është dërguar në mbajtje.
