Roma dëshiron ta fusë një klauzolë lirimi prej 90 milionë euro në kontratën e portierit të vet, Alisson Becker, në tentim për ta larguar interesimin e skuadrave të mëdha, raporton Calciomercato.com.
Liverpool dhe Real Madridi kanë shfaqur interesim për Alissonin gjatë verës së kaluar, me thashethemet që kanë qarkulluar se gjiganti spanjoll është i gatshëm t’i derdhë plot 50 milionë euro për të, transmeton Express.
Por, Roma është duke tentuar t’ia rrisë në 5 milionë pagën brazilianit nga 1.5 milion sa merr për një sezon.
Po ashtu, gjiganti italian do ta fusë një klauzolë prej 90 milionë euro e cila vlen për klubet jashtë Serie A, që duan ta blejnë Alissonin.
